Fréttir

Um helgina voru hæfileikabúðir haldnar inn í Tungudal á Ísafirði með góðri aðstoð heimamanna í Hjólreiðadeild Vestra. Dvalið var í Skíðaskálanum líkt og gert var á sama tíma í fyrra.

Aðrar hæfileikabúðir Hjólreiðasambands Íslands á þessu ári fara fram á Ísafirði næstu helgi.  

Íslandsmótið í Maraþonfjallahjólreiðum (XCM) fór fram í Mosfellsbæ í gær. Að þessu sinni fór það fram í hinu árlega almenningsmóti Aftureldingar, Fellahringnum. Fyrirkomulagið var þannig að keppendur um Íslandsmeistaratitilinn fóru tvo stóra Fellahringnum og svo einn lítinn. Vegaleng dagsins var því samtals um 70 km. og heildar hækkun í keppnisbraut um 830 metrar.

Íslandsmótið í Maraþonfjallahjólreiðum sem fara átti fram í Mosfellsbæ þann 15. ágúst s.l. en var svo aflýst mun nú fara fram í hinu árlega almenningsmóti Aftureldingar, Fellahringnum þann 27. ágúst.

Íslandsmótið í Fjallabruni fór fram í dag í Úlfarsfelli, Reykjavík. Mótið var haldið af Hjólreiðafélagi Reykjavíkur að þessu sinni.  Íslandsmeistarar 2026 og með besta tíma dagsins voru þau Helga Lísa Kvaran (HFR) og Gunnar Erik Cevers (HFR). Er þetta þriðji Íslandsmeistaratitill Helgu Lísu en hún vann tvö ár í röð árin 2021 og 2022. Hinsvegar er hér um að ræða fyrsta Íslandsmeistaratitill Gunnars, en hann var þó íslandsmeistari í U17 flokknum í fyrra. Gunnar er nýorðinn 17 ára gamall. Hjólreiðasambandið óskar nýjum Íslandsmeisturum innilega til hamingju með árangurinn og einnig Hjólreiðafélagi Reykjavíkur fyrir vel heppnaða keppni.

Íslandsmót í Enduro fór fram í gær í Tungudal á Ísafirði. Mótið var haldið af Vestra Hjólreiðafélagi.  Sigurvegari í Elite flokki var Þórir Bjarni Traustason í karlaflokki, í fyrsta skipti eftir að hafa endað í öðru sæti seinustu þrjú árin. Enginn keppandi var skráður til leiks í Elite flokki kvenna í ár.

Í dag fór Íslandsmót í Malarhjólreiðum fram í annað skiptið, keppnishaldari var Hjólreiðadeild Vestra í samvinnu við Bikepacking Iceland. Fór keppnin fram á Ströndum þar sem lagt var af stað frá Hótel Laugarhóli í Bjarnarfirði. Hjólað var um stórbrotna náttúru að Gjögri þar sem snúið var við og sama leið farin til baka að Laugarhóli, samtals 123 km. leið. Samtals voru 38 keppendur sem skráðu sig til leiks að þessu sinni. Er þetta annað Íslandsmót í malarhjólreiðum, en í fyrra var keppnin í samstarfi við The Rift og þar var fyrirkomulagið þannig að einfaldlega fyrstir Íslendinga sem skiluðu sér í mark í Elite flokki í vegalengdinni 200 km. voru krýndir sigurvegarar í Malarhjólreiðum.

Íslandsmót í Ólympískum Fjallahjólreiðum (XCO) fór fram í dag í Öskjuhlíðinni, Reykjavík. Mótið var haldið af Hjólreiðafélagi Reykjavíkur Sigurvegarar í Elíte flokkum voru þau Ingvar Ómarsson og Rakel Logadóttir. Er hér um að ræða fyrsti Íslandsmeistaratitill Rakelar á hennar hjólreiðaferli, en áður hefur hún lent í 2. sæti á Íslandsmeistaramótinu í Enduro árið 2024. Hinsvegar er þetta Íslandsmeistara titill númer 11 í hjá Ingvari í greininni og sá fyrsti síðan 2022. Við óskum þeim innilega til hamingju með árangurinn. Einnig fær Hjólreiðafélagi Reykjavíkur kærar þakkir fyrir að halda vel heppnað Íslandsmót.

Íslandsmót í Criterium fór fram í dag á Akureyri. Mótið var haldið af Hjólreiðafélagi Akureyrar. Sigurvegarar í Elíte flokkum voru þau sömu og í fyrra, þau Davíð Jónsson og Bríet Kristý Gunnarsdóttir. Var þetta þriðja árið í röð sem Bríet sigrar í þessari keppni en annar titill Davíðs í röð. Við óskum þeim innilega til hamingju með Íslandsmeistaratitilinn. Einnig fær Hjólreiðafélagi Akureyrar kærar þakkir fyrir að halda öll þessi þrjú Íslandsmót.Við gerum okkur öll grein fyrir hve mikil vinna stendur hér að baki og hve erfitt það fyrir öll okkar aðildsfélög að manna svona keppnir og fá aðstoð sjálfboðaliða.

Íslandsmót í Götuhjólreiðum fór fram í dag í Svarfaðardal nálægt Dalvík á nokkuð köldum og vindasömum degi. Mótið var haldið af Hjólreiðafélagi Akureyrar. Sigurvegarar í Elíte flokkum voru þau og Davíð Jónsson og Bríet Kristý Gunnarsdóttir. Var þetta fyrsti Íslandsmeistaratitill þeirra beggja í götuhjólreiðum. Við óskum þeim innilega til hamingju með Íslandsmeistaratitilinn.