Fréttir

Þorsteinn Bárðarson hjólreiðamaður innan vébanda Hjólreiðasambands Íslands (HRÍ) hefur verið úrskurðaður í bráðabirgðabann frá æfingum og keppni í íþróttum, samkvæmt lyfjareglum Lyfjaeftirlits Íslands

Í dag fór fram Íslandsmótið í Cyclocross (CX) tímabilsins 2025-2026 við Gufunesbæ, Reykjavík. Skipuleggjendur í ár voru Hjólreiðafélag Reykjavíkur og Hjólreiðadeild Aftureldingar. Mótstjóri var Þórdís Einarsdóttir. Sigurvegarar í Elíte flokkum í ár voru þau Björg Hákonardóttir og Davíð Jónsson.

Laugardaginn 8. nóvember n.k. fer fram lokahóf Hjólreiðasambands Íslands í Víkinni,Traðarlandi 1, 108 Reykjavík. Þar verða bikarmeistarar ársins verðlaunaðir og einnig verður tilkynnt um val á hjólreiðafólki ársins 2025. Hefst lokahófið klukkan 14:00.

Fjórða heimsmeistaramótið í malarhjólreiðum fer fram í Suður-Limburg í Hollandi dagana 11.og 12. október 2025 n.k. Er þetta í annað skipti sem við sendum Elite keppendur í þessa keppni, en í fyrra fóru þau Ingvar og Hafdís út til Belgíu.

Landsliðs- og afreksdeild Hjólreiðasambands Íslands boðar árlega til hæfileikabúða fyrir efnilegasta hjólreiðafólk landsins.

Adrían Uni Þorgilsson, aðeins 8 ára gamall, keppti fyrir hönd Íslands á Norðurlandameistaramótinu í keppnis-BMX hjólreiðum, sem fram fór í Bjerringbro í Danmörku á laugardaginn síðasta. Þar náði hann 6. sæti í sínum flokki, meðal fremstu ungu hjólreiðamanna á Norðurlöndunum, en um 300 BMX hjólarar frá Danmörku, Noregi, Svíþjóð, Finlandi, Litháen, Eistlandi og Íslandi tóku þátt í mótinu. Á sunnudaginn tók Adrían síðan þátt í Bjerringbro Open, þar sem hann tryggði sér 2. sætið.

Hæfileikabúðir Hjólreiðasambands Íslands fara að þessu sinni fram á Ísafirði dagana, 5. til 7. september 2025 n.k.

Þeir Jónas Stefánsson, Börkur Smári Kristinsson og Þórir Bjarni Traustason eru nú staddir í Valais í Svissnesku Ölpunum þar sem þessa dagana fer fram heimsmeistararmótið í Enduro fjallahjólreiðum. Með þeim í för sem liðstjóri er Hróbjartur Sigurðsson.

Seinasta Sunnudag tók Jón Arnar Sigurjónsson frá Tindi þátt í Norðurlandamótinu í götuhjólreiðum sem fram fór í Tidaholm í Svíþjóð.

Íslandsmótið í Criterium fór fram fimmtudaginn seinasta. Með því lauk seinasta Íslandsmóti þessa keppnistímabils.